Halla Signý Kristjánsdóttir
- Embætti: Varaformaður þingflokks
- Kjördæmi: Norðvesturkjördæmi
- Þingflokkur: Framsóknarflokkur
Þingstörf og hagsmunaskrá
Þingseta
Alþingismaður Norðvesturkjördæmis síðan 2017 (Framsóknarflokkur).
Æviágrip
Fædd á Flateyri 1. maí 1964. Foreldrar: Kristján Guðmundsson (fæddur 27. september 1918, dáinn 28. mars 1988) bóndi og Árilía Jóhannesdóttir (fædd 20. nóvember 1923, dáin 31. mars 2014) húsfreyja. Maki: Sigurður G. Sverrisson (fæddur 12. júlí 1962) verkstjóri hjá Vegagerðinni. Foreldrar: Sverrir Sigurðsson og Kristín G. Sigurðardóttir. Börn: Kristín Guðný (1984), Ólína Adda (1986), Finnbogi Dagur (1992), Anna Þuríður (1995).
Stundaði nám við MÍ 1998–2001. Stundaði nám við frumgreinadeild Háskólans á Bifröst 2001–2002. BS-próf í viðskiptafræði frá Háskólanum á Bifröst 2005. Diplóma í opinberri stjórnsýslu HÍ 2011. Stundar framhaldsnám í opinberri stjórnsýslu við HÍ.
Starfsmaður Sparisjóðs Bolungarvíkur 1980–1984. Leiðbeinandi við Grunnskóla Önundarfjarðar veturinn 1999–2000. Sumarstörf hjá Sparisjóði Mýrasýslu 2003 og 2004. Bóndi á Kirkjubóli í Bjarnardal í Önundarfirði í tíu ár. Fjármálastjóri Bolungarvíkurkaupstaðar 2005–2018.
Kjörinn fulltrúi á fundi Stéttarsambands bænda 1987 og 1988. Formaður Kvenfélags Mosvallahrepps. Formaður Átthagafélagsins Vorblóms Ingjaldssandi frá 1996. Í stjórn Orkubús Vestfjarða 2006–2008 og 2016–2018. Í starfshópi um gerð orkustefnu fyrir Ísland síðan 2018.
Alþingismaður Norðvesturkjördæmis síðan 2017 (Framsóknarflokkur).
Atvinnuveganefnd 2017–2021, velferðarnefnd 2017–2021, stjórnskipunar- og eftirlitsnefnd 2021–, umhverfis- og samgöngunefnd 2021–.
Ritstjóri: Ísfirðingur 1996–1998.
Æviágripi síðast breytt 19. janúar 2022.
