23.04.1985
Sameinað þing: 74. fundur, 107. löggjafarþing.
Sjá dálk 4551 í B-deild Alþingistíðinda. (3823)
356. mál, úttekt á stofnunum á vegum iðnaðarráðuneytisins
Fyrirspurnin hljóðar svo:
1. Að hvaða athugunum á stofnunum og fyrirtækjum, sem heyra undir iðnaðarráðuneytið, hefur verið unnið frá miðju ári 1983?
2. Hvaða aðilar, einstaklingar, nefndir eða ráðgjafarfyrirtæki, hafa unnið að hverju verkefni?
3. Hvað hefur verið greitt hverjum aðila fyrir slíkar athuganir og úttektir?
Sundurliðun óskast varðandi hvert verkefni (stofnun eða fyrirtæki) og heildargreiðsla til hvers aðila, laun og annar kostnaður.
4. Með hvaða hætti hafa þessar athuganir verið fjármagnaðar, sundurliðað eftir fjárlagaliðum eða öðrum framlögum?
5. Hvaða athuganir eru byrjaðar en hafa ekki enn leitt til útgjalda?
Svar við 1. lið:
Á fundi ríkisstjórnarinnar 28. júlí 1983 var eftirfarandi tillaga forsætisráðherra samþykkt:
„Gerð verði ítarleg athugun á rekstri opinberra fyrirtækja og leitað leiða til sparnaðar. Til þess verði fengin viðurkennd hagræðingarfyrirtæki.“
Í samræmi við þessa samþykkt hefur iðnaðarráðherra haft frumkvæði að slíkum athugunum í flestum stofnunum og fyrirtækjum sem undir iðnaðarráðuneytið heyra eins og fram kemur í svari við 2. lið í fyrirspurninni.
Svar við 2. og 3. lið:
Ráðgjafar-
Kostnaður
Kostnaður
fyrirtæki
þús. kr.
Umsjónaraðili
þús. kr.
1.
Rafmagnsveitur ríkisins
Hagvangur
1 651
Hannes Þ. Sigurðsson
2.
Orkustofnun
Hagvangur
1 417
Hannes Þ. Sigurðsson
330
3.
Rafmagnseftirlit ríkisins
Hagvangur
339
Hannes Þ. Sigurðsson
4.
Sementsverksmiðja ríkisins
Kaupþing
429
Björgvin Sigurðsson
22
Partek
75
5.
Landssmiðjan
Helgi G. Þórðarson
170
6.
Kísiliðjan
Rekstrarstofan
200
Helgi Ólafsson
44
7.
Þörungavinnslan
Rekstrarstofan
216
Sigurjón Arason
51
8.
Sjóefnavinnslan hf
Iðntæknistofnun
624
Eggert Steinsen
34
9.
Jarðboranir ríkisins
Hagvangur
49
Samtals
5 220
430
* Sementsverksmiðjan greiddi helming kostnaðar, þannig að heildarkostnaðurinn var rúm 1000 þús. kr.
Auk þess hafa Landsvirkjun og Orkubú Vestfjarða ráðið hagræðingarfyrirtæki til að athuga ýmsa þætti reksturs þessara fyrirtækja. Sundurliðun á launakostnaði og öðrum kostnaði liggur ekki fyrir en yfirgnæfandi meiri hluti þessara útgjalda er vegna útseldrar vinnu og launakostnaðar.
Svar við 4. lið:
Athuganir þessar hafa verið greiddar af Fjárlaga- og hagsýslustofnun og iðnaðarráðuneytinu aðallega á árinu 1984. Þær hafa að hluta til verið fjármagnaðar með fjárveitingu sem Fjárlaga- og hagsýslustofnun hafði til að standa straum af úttektum á ríkisrekstrinum en að hluta til af andvirði af sölu hlutabréfa ríkisins í Iðnaðarbankanum.
Skipting þessi kemur fram í eftirfarandi yfirliti:
Upphæðir í þús. kr.
Fjármögnun
Sala hlutabréfa í
Greitt af:
Samtals
Fjárlög
Iðnaðarbankanum
Fjárlaga-og hagsýslustofnun
4 285
985
3 300
Iðnaðarráðuneyti
1 365
1 365
5 650
985
4 665
Svar við 5.lið:
Ekki hefur verið byrjað á nýjum athugunum í ár en unnið er að framkvæmd ýmissa tillagna á grundvelli þeirra athugana sem að framan voru taldar.