131. löggjafarþing — 49. fundur, 4. des. 2004.
Fjárlög 2005.
1. mál
[12:10]
viðskiptaráðherra (Valgerður Sverrisdóttir) (F):
Hæstv. forseti. Eins og fram hefur komið hafa stjórnarflokkarnir ákveðið að stórefla samkeppniseftirlitið í landinu, m.a. með því að breyta skipulagi samkeppnismála sem þýðir auknar fjárveitingar til þessa málaflokks. Sérstök áhersla verður einmitt lögð á eftirlit með samkeppnishömlum og sjálfstæði stofnunarinnar aukið auk þess sem til verður nýtt embætti talsmanns neytenda.