fjáraukalög 2006.

Hæstv. forseti. Ég hygg að það sé rétt hjá hv. þm. Birki Jóni Jónssyni, formanni fjárlaganefndar, að stjórnarandstaðan hafi ekki lagst gegn tillögum ríkisstjórnarinnar ef þær horfðu til bóta og talið nauðsyn á að taka þær inn í fjárlögin.

Ég fór yfir það, hæstv. forseti, í ræðu minni að þær tillögur sem við hefðum flutt við fjárlögin á síðasta hausti væru núna komnar í fjáraukalagafrumvarpið. Hafi hv. þingmanni fundist tillögur okkar ábyrgðarlausar og furðulegar þá verð ég að benda honum á að hann er sjálfur búinn að taka þær upp. (BJJ: Nei, nei.) Ég held að hv. þingmaður ætti að líta í spegil og gera grín að sjálfum sér.