138. löggjafarþing — 119. fundur, 7. maí 2010.
heimild til samninga um gagnaver í Reykjanesbæ.
320. mál
Virðulegi forseti. Ég bar von í brjósti um að hér á landi mundi eitthvað breytast eftir hrunið. Við stöndum hér um hábjartan dag með galopin augu og erum að fara að samþykkja að færa einum stórum geranda í hruninu gæði á nýjan leik. En það er kannski ekki von á góðu á meðan enn þá sitja í ríkisstjórninni þrír ráðherrar sem sátu í hrunstjórninni. Frú forseti. Hér breytist ekki neitt, því miður, þrátt fyrir marga nýja þingmenn á þingi. Ég segi nei við þessum gjörningi.