svör við fyrirspurnum.

Hæstv. forseti. Vegna þeirra mála sem hér hafa verið tekin upp um afgreiðslu þingmála tek ég undir að það er óásættanlegt þegar dregst að svara fyrirspurnum umfram þann tíma sem stendur í þingskapalögum. Ég ætla ekki að bera blak af núverandi ráðherrum eða þeim fyrri en það þarf að koma betri böndum á þetta og ég bendi hæstv. forseta á að sumar fyrirspurnir eru á mörkum þess að vera skýrslubeiðnir og ég tel að það þurfi að taka á því. Eins og hér kom fram er unnið að þessu máli í þingskapanefnd og ég bendi hv. þingmönnum, sem hér hafa rætt um að lauma inn skýrslum eða svörum, á að það er erfitt að lauma þeim inn því að hér birtist allt saman á útbýtingarblaðinu og hæstv. forseti les upp það sem útbýtt er (Forseti hringir.) þannig að það er erfitt að lauma inn svörum. (Gripið fram í.)