fjárlög 2012.

Virðulegi forseti. Ég fagna því að þingmaðurinn skuli virða það við mig eins og aðra þingmenn að mistök hafi orðið við skjalagerð, og vonandi sjá aðrir þingmenn að sér í umræðunni um þau mál. Við leggjum til að allur sá niðurskurður sem átti sér stað í fyrra og fór fram yfir 4,7% verði dreginn til baka, að á þessu ári komi til framkvæmda 1,5% niðurskurður en hann leggist jafnt á allar heilbrigðisstofnanir nema tekið verði til hinnar sérhæfðu þjónustu sem á sér stað innan Landspítalans og Fjórðungssjúkrahússins á Akureyri.

Við erum að ganga langt en við teljum að þetta sé eina leiðin til að snúa við af þeirri braut sem ríkisstjórnin lagði af stað með varðandi niðurskurðinn og breytingar á velferðarkerfi þjóðarinnar. Ég lýsi yfir ánægju minni með það (Forseti hringir.) að hann muni taka vel í þessar tillögur.

Virðulegi forseti. Ég hef fengið upplýsingar um að breytingaskjalið verði leiðrétt innan skamms.