hækkun á kvóta Íslands hjá Alþjóðagjaldeyrissjóðnum.

Virðulegi forseti. Ég hef hér tvær spurningar til viðbótar sem mig langar að fá svör við. Fyrri spurningin lýtur að því hvers vegna þessi mikla andstaða er, m.a. í Þýskalandi, Bandaríkjunum og Japan, við þessa stofnfjáraukningu sem Alþjóðagjaldeyrissjóðurinn þykist þurfa á að halda. Telur hv. þingmaður að þessar þjóðir trúi þá ekki á þær lausnir sem myntbandalagslöndin hafa neytt kreppulöndin til að innleiða? Er einhver önnur ástæða fyrir því að þau halda aftur af sér og vilja ekki taka þátt í þessari stofnfjáraukningu? Snýst þetta um það að þessar þjóðir vilji að Evrópusambandið leysi sín heimagerðu vandamál sjálft eða er þetta merki um ótrúverðugar lausnir á fjármálakreppunni í Evrópu?

Hin spurningin er hvort hv. þingmaður sé ekki sammála mér um að þó að við geymum málið fram í janúar verði jafnerfitt fyrir okkur að finna þessa 9 milljarða til að leggja inn í sjóðinn. Ef hv. þingmaður er sammála því, verður þá hv. þingmaður fylgjandi því að við aukum þetta stofnfjárframlag ef aðrar þjóðir gera það?