rannsókn á Icesave og einkavæðingu banka.
Hæstv. forseti. Ég fagna því að ég heyri ekki að hv. þingmaður hafi viljað fara aðrar leiðir að því er varðar endurskipulagningu bankanna en ríkisvaldið fór þó að hann setji fram ákveðnar spurningar í því efni. Það er sjálfsagt að skoða það og við þurfum auðvitað að meta hvenær sé þá rétt og tímabært að fara í þessa athugun eða rannsókn að því er varðar endurskipulagningu á bönkunum. Ég held að það þurfi allt að liggja fyrir áður en farið verður í það eins og ég nefndi áðan. Hið sama gildir um Icesave, ég tel að við þurfum að ljúka því máli fyrir dómstólunum áður en ráðist verður í einhverja sérstaka rannsókn á því. (Gripið fram í: Nú, já.)