aðildarviðræður við Evrópusambandið.
Já, bara svo ég skilji þetta nú örugglega rétt lítur hv. þingmaður ekki þannig á að eitthvað komi nákvæmlega fram í þessari skýrslu sem gefi tilefni til að menn álykti: Ja, það er ekkert um að semja, nú er bara best að pakka saman.
Ég get reyndar sagt líka að ég skil skýrsluna ekki þannig og mun koma að því í ræðu síðar að ég tel einmitt ýmislegt í þessari skýrslu segja okkur að við eigum að halda áfram. Ég tel ljóst af skýrslunni að það er um eitthvað að semja og þá sérstaklega náttúrlega í sjávarútvegskaflanum.
Það er þá líka rétt skilið hjá mér að vilji þessa þingmanns Sjálfstæðisflokksins sé sá að ef ekki má halda viðræðum áfram nema að undangenginni þjóðaratkvæðagreiðslu segi hann: Ja, þá vil ég þjóðaratkvæðagreiðslu til að hægt sé að halda áfram.
Get ég barnað orð hv. þingmanns einhvern veginn á þessa leið?