upplýsingar til almennings um skuldaniðurfærslu.

Virðulegur forseti. Þetta snýst ekki um mig. Þetta snýst um það að veita almenningi upplýsingar um fjárhag heimilanna, hvað hver og einn getur vænst þess að fá.

Í Hörpu töluðu forsætisráðherra og fjármálaráðherra um að fólk mætti vænta þess að fá 13%. Nú eru þeir alveg hættir að nefna prósentur. Leiðréttingartillögurnar sem kynntar voru í Iðnó nema 5,7% af verðtryggðum skuldum heimilanna. Það er allt önnur tala en 13% í Hörpu.

Meðal annars hafa vaknað áhyggjur af því hvort það geti verið rétt að tillögurnar í Hörpu hafi reynst dýrar og þess vegna hafi verið ákveðið að setja þak á heildarfjárhæðina sem greidd yrði í úrræði og þess vegna geti enginn reiknað út hvað hann muni fá.

Ég hvet forsætisráðherra til að hætta að hugsa um mig og setja upp reiknivél á netinu þar sem fólk geti reiknað út eins og það gat eftir fundinn í Hörpu hvað hver og einn fær. Þá þurfum við forsætisráðherra ekki að standa hér og deila.