séreignarsparnaður og ráðstöfun hans til greiðslu húsnæðislána og húsnæðissparnaðar.
Virðulegur forseti. Mig langar að spyrja hv. þm. Bjarkeyju Gunnarsdóttur, vegna þess að hér ræðum við um séreignarsparnaðinn, sem er valkvæður af hálfu þeirra sem í hann fara, hvort hún sjái í þessu frumvarpi einhver teikn um að fólks hafi líka frelsi til að velja hvort það vill næstu þrjú ár setja séreignarsparnaðinn í þá framkvæmd sem hér er boðið upp á og hvort það val fólks sé af hinu slæma.
Í öðru lagi langar mig að spyrja hv. þingmann hvort hún sjái eitthvað jákvætt við frumvarpið.