virðisaukaskattur o.fl.

Hæstv. forseti. Ég þakka hv. þm. Svandísi Svavarsdóttur fyrir þessar spurningar og andsvör og ítreka að mér þykir mjög miður að efnisleg umræða skuli ekki eiga sér stað. Ég hefði viljað takast á um efni frumvarpsins en ekki þær vangaveltur sem hér eru hafðar uppi.

Ég ítrekaði það í ræðu minni að hér birtist frumvarp ríkisstjórnarinnar og ræddi það sem slíkt. Ég sé ekki að þær vangaveltur sem hér eru hafðar uppi um fyrirvara hafi áhrif á það eða þá meðferð sem málið mun fá í framhaldinu. Ég held að engu sé við það að bæta.