áætlun um vernd og orkunýtingu landsvæða.
Hæstv. forseti. Það er rétt að vera þakklátur yfir þessari umræðu sem staðið hefur lengi dags og hefur verið góð svo langt sem hún hefur þokast fyrir tækniatriðum sem koma upp inn á milli. En þegar mönnum liggur mikið á hjarta og margir vilja taka til máls vill fundartími náttúrlega lengjast, fylgir því óneitanlega. Þegar menn ráðast í að leggja í langa umræðu verða þeir að vera reiðubúnir að leggja á sig töluverðar fundarsetur meðan á umræðum stendur. Í amerískum málshætti stendur, sem ég las einhvern tímann, að sá sem þolir ekki hitann á að yfirgefa eldhúsið. Þess vegna er það að ef menn treysta sér ekki til að (Gripið fram í.) sitja hér langa stund og í góðum (Gripið fram í.) umræðum og góðum frammíköllum þá eiga menn náttúrlega bara að tempra ræðutímann.