alþjóðleg þróunarsamvinna Íslands o.fl.
Hæstv. forseti. Höfundur og ábyrgðarmaður þessa frumvarps, hæstv. utanríkisráðherra Gunnar Bragi Sveinsson, fjallaði undir þessum dagskrárlið um litla stofnun sem væri verið að færa inn í litla skrifstofu í litlu ráðuneyti. Ég veit ekki af hverju í ósköpunum ég bað um orðið í framhaldi af því og þetta kom upp í hugann:
Við lítinn vog í litlum bæ
er lítið hús.
Í leyni inni í lágum vegg
er lítil mús.
Um litlar stofur læðast hæg
og lítil hjón,
því lágvaxin er litla Gunna
og litli Jón.
Ég eftirlæt þingmönnum það að breyta síðustu tveimur línunum vegna þess að það er mjög auðvelt.