fjárlög 2016.

Virðulegur forseti. Eins og við höfum gert grein fyrir er hér hvergi nærri nógu langt gengið og ekki hægt að greiða atkvæði um þessi tillögu meiri hlutans. (Gripið fram í: Greiða atkvæði …) Þó er ástæða til að fagna því að starfið hér í haust hafi skilað þeim árangri að 1 milljarður sé lagður til fráflæðis frá Landspítalanum sem og ástæða til að fagna þeim áfanga og þeim sem lagt hafa hönd á plóg við að knýja þetta fram hjá ríkisstjórninni fyrir utan stjórnarandstöðuna, auðvitað fyrst og fremst almenningur í landinu og samtök sjúkra og annarra þeirra sem hafa verið í uppnámi haust eftir haust eftir sífellda og margítrekaða aðför ríkisstjórnarinnar að Landspítalanum.

Enn og aftur er ríkisstjórnin hrakin til baka, þó að í litlu sé, og fagna má þessum milljarði þó að hann sé hvergi nærri nóg.