lengd þingfundar.

Hæstv. forseti. Hv. þm. Guðmundur Andri Thorsson sagðist líða eins og laxi sem væri verið að þreyta, en svo sagði hann að hann væri ekki lax. Mér líður eins og þorski sem á að fara að blóðga, en ég er samt ekki þorskur. [Hlátur í þingsal.] Ég hef oft verið á sjó og mikið verið á sjó. Það var einu sinni á netavertíð að við vorum búnir að vaka lengi, þá voru einhverjir orðnir syfjaðir. Þá segir einn gamall og góður: „Það er nú ekki mikið mál að vaka eina vetrarvertíð, það eru bara aumingjar sem geta það ekki.“

Ég er alveg til í að vinna mikið og vaka lengi og vinna að góðum málum, en ég get ekki samþykkt að taka þátt í kvöldfundi í kvöld með, ég segi bara ónýt veiðarfæri, með svikin loforð. Ég vil að hæstv. forseti standi við þau loforð sem gefin voru fyrir þinghlé. Þá er ég til í tuskið.