veiðigjald.
Hæstv. forseti. Ég tek heils hugar undir þetta og ég vil minna þingmanninn á það — og greinilegt að hún hefur ekki hlustað mikið á ræðu mína — að ég tók það sérstaklega fram (ÞKG: Með athygli.) í ræðunni að ég hef mælt hér fyrir málum um skilgreiningu auðlinda og auðlindir og auðlindagjöld. Það er svolítið merkilegt að við skulum ekki vera búin að fara í þá vinnu. Það hefur margoft verið mælt fyrir þessum málum. Ég er sammála þingmanninum um að sveitarfélög ættu að fá að koma betur að þessari vinnu. Þetta er prinsippmál í uppbyggingu byggða á landsbyggðinni, að þetta gæti runnið til þeirra aftur, og að við snúum bökum saman og vinnum að þessu máli öll sem eitt.