staðan í stjórnmálunum í byrjun árs og verkefnin fram undan.
Herra forseti. Íslensk stjórnmál eru eins og veðráttan hérna, rysjótt. Hver veit nema kosningar séu nær en við reiknum með en samt sem áður er býsna stutt í þær. Og ríkisstjórnin er búin að sýna á spilin. Já, við þurfum að byggja upp menntun og helst byggja á þekkingu og styrkja bara gildin okkar. En við þurfum líka að rækta fyrirtækin. Ég lagði fram mál í haust sem var hugsað til að bæta stöðu lítilla og meðalstórra fyrirtækja, þ.e. fyrirtækja sem eru með undir 49 starfsmenn. Við þurfum meiri fjölbreytni. Við eigum að hætta að byggja á fáum stoðum sem geta reynst kerfislega mjög dýrar ef þær riða til falls. Meðal þess sem er í þessari þingsályktunartillögu minni er t.d. að lækka tryggingagjald á þessi fyrirtæki umfram það sem við fyrirhugum núna almennt að gera.
