útlendingar og atvinnuréttindi útlendinga.

Virðulegur forseti. Jú, verndarmálum hefur fjölgað síðustu ár því að þau voru ekki til fyrir þremur árum. En síðustu mánuðina 2019 fækkaði þeim. Miðað við þær tölur sem birtar eru á vef Útlendingastofnunar var niðurstaða afgreiddra mála sem flokkuðust sem verndarmál um tíu fyrir hvern mánuð í lok árs 2019. Ég teiknaði það upp í töflu sem ég skal bara skilja eftir í púltinu fyrir ráðherrann að skoða í seinna andsvari sínu.

Nú var ráðherrann á óformlegum fundi ráðherra dómsmála í Evrópu í síðustu viku þar sem var m.a. fjallað um langtímasýn í málefnum flóttafólks. Við þekkjum það nú þegar einn forveri hennar fór þangað og greindi frá efasemdum Íslands gagnvart aukinni samábyrgð á meðhöndlun flóttafólks. Mig langar að spyrja hvort sú aukna samábyrgð sem Ísland sýnir á tímum Covid sé tímabundið (Forseti hringir.) fráhvarf frá fyrri stefnu eða hvort við megum eiga von á því að samábyrgð verði sýnd í verki varanlega héðan í frá.