Menntasjóður námsmanna.

Hæstv. forseti. Við ræddum í gær áfram um Menntasjóð. Ég nefndi það að ég fagnaði því að málið færi aftur inn til nefndar á milli 2. og 3. umr. Það sem ég vil ítreka hér er sá fyrirvari sem ég hef á meirihlutaáliti og aðallega það sem snýr að fjölgun starfsmanna, en talað er um að fjölga eigi um 15 starfsmenn í þessum nýja Menntasjóði. Nú vinna u.þ.b. 35 starfsmenn hjá LÍN. Mig fýsir að vita í hverju sú fjölgun liggur.