breytt skipan ráðuneyta í Stjórnarráði Íslands.

Virðulegur forseti. Ég ætla nú alveg að gefa ríkisstjórninni það að þó að þessi greinargerð sé efnislega ekkert sérstaklega sannfærandi þá eru falleg orð og falleg hugmyndafræði færð þarna í búning, en rökstuðninginn vantar, eins og ég hef rakið í þessum umræðum.

Já, ég held að samsetning ríkisstjórnarinnar og þessi breiða lína, sem stundum er kölluð ysta vinstrið og ysta hægrið, saman í ríkisstjórn geri það að verkum að hæstv. forsætisráðherra líði best með mannréttindamálin á sinni könnu. Ég held að öðrum þræði snúist það um að þeim málaflokki sé kannski ekki vel komið annars staðar að mati þeirra sem lengst eru til vinstri í þessari ríkisstjórn.