fjárlög 2022.
Forseti. Ég tek aftur undir með hv. þingmanni, það er búið að gera margt gott en það er hægt að gera svo miklu betur. Það er það sem við í Viðreisn höfum líka talað um, og fleiri, að að sjálfsögðu þarf þetta að vera samþætt í alla vinnu á vegum stjórnvalda. Umhverfismál þurfa að fléttast inn í allt og það þarf alltaf að leggja þau á sama stað og efnahagsmál, af því að þau eru líklega mikilvægasta efnahagsmálið sem við horfumst í augu við í nútímasamfélagi. Hv. þingmaður talaði líka um stefnurnar og annað og ég hefði viljað sjá — þetta eru þessar þrjár stoðir, sjálfbærniviðmiðin, heimsmarkmiðin o.s.frv. Allar aðgerðir sem farið er í í fjármálaáætlun og fjárlögum ætti að meta út frá þessu: Eru þær umhverfislega hagkvæmar? Eru þær efnahagslega hagkvæmar? Og skila þær félagslegum ávinningi?