þjóðaratkvæðagreiðsla um framhald viðræðna við Evrópusambandið.

Frú forseti. Mér finnst svo skemmtilegt að það sé verið að ræða um að ef við stöndum utan Evrópusambandsins þá getum við tekið þátt í svo miklum fríverslunarviðræðum, sama fólk sem vill nú yfirleitt loka öllu landinu af með tollum og hömlum á vörur þar sem slík fríverslun kæmi neytendum til góða.

Hv. þingmaður talar um þessi NATO-ríki sem eru innan Evrópusambandsins og að við eigum að taka afstöðu gegn stríði yfirleitt. Við erum með þjóðaröryggisstefnu sem grundvallast á þátttöku í NATO og við munum fá endurskoðaða þjóðaröryggisstefnu í október og verða greidd atkvæði um hana hérna fyrir jól. Hún mun alveg örugglega grundvallast á veru okkar í NATO og varnarsamstarfi við Bandaríkin. Ég spyr þá: Mun hv. þingmaður styðja endurskoðun þjóðaröryggisstefnunnar?