útlendingar.

Frú forseti. Ég vil þakka hv. þingmanni fyrir andsvarið. Það sem kom mér kannski mest á óvart — ég segi þetta með þeim fyrirvörum að maður dvaldi ekkert mjög lengi þarna til að kynna sér þetta — er hvað manni virðist almenn umræða í samfélaginu um þessa hópa, til að mynda frá stjórnmálamönnum, hafa mikil áhrif á framkvæmdina sjálfa. Það skýrir að mínu mati þann mun á því hvers vegna þetta er svona miklu harðara í Danmörku en í Noregi, þ.e. viðhorf innan ríkjanna til þessara mála. Ég ætla bara að leyfa mér að halda því fram hér. Það var kannski það sem kom mér einna mest á óvart.