lækkuð stofnframlög til húsnæðisuppbyggingar.

Virðulegur forseti. Ég hef heyrt hv. þingmann tala býsna hátt um að hægt sé að greina viðkomandi ef hægt er að sjá fjárlögin hjá viðkomandi, fjármálaáætlun. Mér sýnist að í þeim fjárlögum sem við erum að leggja hér fram, í þeim tillögum, sé verið að svara öllum þeim kröfum sem hv. þingmaður hefur kallað eftir. Við höfum sagt að í varasjóði sé fjármagn vegna ársins 2023 sem við ætlum að veita í húsnæðismálin. Þar eru peningar, allt að 2 milljarðar, sem til að mynda verður hægt að nota í húsnæðisbætur, í vaxtabætur, í stuðning við fólk og fleiri slíka þætti, og standa þar inni. Ég er búinn að fara yfir það að við munum hafa úr að spila nægum fjármunum í stofnframlög á næsta ári. Þá vil ég spyrja hv. þingmann á móti: Hvað þurfum við að gera meira þar? Og ég ætla að svara spurningunni: Jú, við þurfum að halda áfram. Við þurfum að koma inn í fjármálaáætlun og við þurfum að byggja nægilega mikið af íbúðum á næstu árum. (Forseti hringir.) Það er einungis þannig sem við tökumst á við þennan vanda, hvort sem um er að ræða leiguhúsnæði eða húsnæði handa fólki sem minna hefur á milli handanna.