NATO-þingið 2022.

Virðulegur forseti. Ég þakka hv. þingmanni fyrir svarið og verð að viðurkenna að ég gat ekki látið þetta hjá líða, því ég rak eins og margir upp stór augu þegar í ljós kom að hv. þingmaður væri kjörinn í Íslandsdeild NATO og var að velta fyrir mér hvað lægi þar á bak við, því ég taldi mig þekkja afstöðu þingmannsins. Ætli við verðum ekki bara að vona að vera hans í Íslandsdeild NATO leiði gott eitt af sér og við sjáum öll hversu mikilvægt það er fyrir Ísland sem, eins og hv. þingmaður segir, boðbera friðs en líka herlaust ríki í Norður-Atlantshafi, að vera þátttakandi og aðili að jafn mikilvægu varnarbandalagi og NATO er.