Bráðabirgðaútgáfa.
153. löggjafarþing — 122. fundur, 9. júní 2023.
almenn hegningarlög.
45. mál
Herra forseti. Ég styð heils hugar markmið þessa frumvarps og tel mikilvægt að vinna bug á fordómum og ofbeldi gegn hinsegin fólki og ég rakti það hér í minni ræðu í dag. En breytingar á hegningarlögum verða að vera vel ígrundaðar og byggja á víðtæku samráði. Á það skortir að mínu mati. Ég tek undir fyrirliggjandi athugasemdir réttarfarsnefndar. Nauðsynlegt er að taka tillit til þeirra áður en málið nær fram að ganga. Ég greiði því ekki atkvæði.