27.03.1926
Neðri deild: 42. fundur, 38. löggjafarþing.
Sjá dálk 52 í C-deild Alþingistíðinda. (1911)
52. mál, hafnarlög fyrir Reykjavíkurkaupstað
Jón Auðunn Jónsson:
Jeg vil biðja hv. þdm. að athuga, að hjer er verið að fjölga lögveðum á skipum, en nú er svo komið, að þau eru fleiri en þau mega vera. Vegna allra þessara lög- og sjóveða er nú nær því ómögulegt fyrir banka að lána út á skip.
Þetta, að bankarnir geta varla skoðað skipsveð sem tryggingu lengur, þrengir mjög að útgerðarmönnum og gerir þeim allar lántökur til rekstrar útgerðinni mun erfiðari en áður var.
Legg jeg því á móti þessu frv.