19.04.1977
Sameinað þing: 76. fundur, 98. löggjafarþing.
Sjá dálk 3304 í B-deild Alþingistíðinda. (2340)
267. mál, Stofnfjársjóður fiskiskipa
Fyrirspyrjandi (Geir Gunnarsson):
Herra forseti. á þskj. 440 hef ég borið fram fsp. til hæstv. sjútvrh. um Stofnfjarsjóð fiskiskipa. Ég sé ekki ástæðu til að eyða tíma í að ræða þessa fsp., hún þarfnast engra skýringa, en er svo hljóðandi, með leyfi hæstv. forseta:
„1. Hve hárri upphæð námu greiðslur af óskiptu aflaverðmæti til Stofnfjársjóðs fiskiskipa á árinu 1976?
2. Hve háum upphæðum námu afborganir og vextir af stofnlánum fiskiskipa á árinu 1976?
3. Hve háar upphæðir greiddi Stofnfjársjóður fiskiskipa á árinu 1976: a) til afborgana og vaxta af stofnlánum fiskiskipa, b) til skipaeigenda?“