20.01.1982
Neðri deild: 32. fundur, 104. löggjafarþing.
Sjá dálk 1907 í B-deild Alþingistíðinda. (1643)
Varamenn taka þingsæti
Forseti (Sverrir Hermannsson):
Mér hefur borist svohljóðandi bréf:
„Reykjavík, 20. janúar 1982.
Samkv. beiðni Péturs Sigurðssonar, 1. landsk. þm. sem vegna utanfarar í opinberum erindum mun ekki geta sótt þingfundi á næstunni, leyfi ég mér samkv. 138. gr. laga um kosningar til Alþingis að óska þess, að 1. varamaður landskjörinna þingmanna Sjálfstfl., Sigurlaug Bjarnadóttir kennari, Reykjavík, taki sæti á Alþingi í fjarveru hans.
Ólafur G. Einarsson,
formaður þingflokks sjálfstæðismanna.“
Sigurlaug Bjarnadóttir hefur áður átt sæti á þessu þingi og þarfnast kjörbréf hennar því ekki rannsóknar. Býð ég hana velkomna til starfa.
Þá hefur mér enn fremur borist svo hljóðandi bréf: „Reykjavík, 20. janúar 1982. Samkv. beiðni Guðmundar J. Guðmundssonar, 7. þm. Reykv., sem vegna veikinda mun ekki geta sótt þingfundi á næstunni, leyfi ég mér samkv. 138. gr. laga um kosningar til Alþingis að óska þess, að 1. varamaður Alþb. í Reykjavík, Guðrún Hallgrímsdóttir matvælaverkfræðingur taki sæti á Alþingi í forföllum hans.
Ólafur Ragnar Grímsson,
formaður þingflokks Alþb.“
Guðrún Hallgrímsdóttir hefur áður átt sæti á þessu þingi og býð ég hana velkomna til starfa.