02.05.1985
Sameinað þing: 78. fundur, 107. löggjafarþing.
Sjá dálk 4678 í B-deild Alþingistíðinda. (3964)
Varamenn taka þingsæti
Forseti (Þorv. Garðar Kristjánsson):
Svohljóðandi bréf hefur borist:
„Reykjavík, 2. maí 1985.
Matthías Á. Mathiesen, 1. þm. Reykn., hefur ritað mér á þessa leið:
„Þar sem ég er á förum til útlanda í opinberum erindum get ég ekki sótt þingfundi á næstunni. Leyfi ég mér því með skírskotun til 130. gr. laga um kosningar til Alþingis að óska þess, að vegna fjarveru 1. varaþm. taki 2. varaþm. Sjálfstfl. í Reykjaneskjördæmi, Bragi Michaelsson framkvæmdastjóri, sæti á Alþingi í fjarveru minni.“
Þetta er yður hér með tilkynnt, herra forseti.
Ingvar Gíslason,
forseti Nd.“
Þessu bréfi fylgir svohljóðandi bréf:
„Garðabæ, 26. apríl 1985.
Herra viðskrh., Matthías Á. Mathiesen, 1. þm. Reykn.
Því miður verð ég erlendis næstu vikur og get því ekki tekið sæti á Alþingi.
Með bestu kveðjum.
Kristjana Milla Thorsteinsson.“
Þá hefur borist svohljóðandi bréf:
„Reykjavík, 2. maí 1985.
Ólafur G. Einarsson, formaður þingflokks sjálfstæðismanna, hefur ritað mér á þessa leið:
„Þar sem Pétur Sigurðsson, 12. þm. Reykv., dvelst nú erlendis og getur ekki sótt þingfundi á næstunni leyfi ég mér að ósk hans með skírskotun til 130. gr. laga um kosningar til Alþingis að óska þess að 1. varaþm. Sjálfstfl. í Reykjavík, Geir Hallgrímsson utanrrh., taki sæti á Alþingi í fjarveru hans.“
Þetta er yður hér með tilkynnt, herra forseti.
Birgir Ísl. Gunnarsson, forseti Nd.“
Með því að bæði Bragi Michaelsson og Geir Hallgrímsson hafa áður tekið sæti á Alþingi á þessu kjörtímabili sem þm., þá býð ég þá báða velkomna til starfa á ný.