24.10.1985
Sameinað þing: 7. fundur, 108. löggjafarþing.
Sjá dálk 228 í B-deild Alþingistíðinda. (181)
Varamaður tekur þingsæti
Forseti (Þorv. Garðar Kristjánsson):
Borist hefur svohljóðandi bréf:
„Reykjavík, 24. okt. 1985. Friðjón Þórðarson, 1. þm. Vesturl., hefur ritað mér á þessa leið:
„Þar sem ég er á förum til útlanda í opinberum erindum og get því ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að 1. varamaður Sjálfstfl. í Vesturlandskjördæmi, Sturla Böðvarsson sveitarstjóri, taki sæti á Alþingi í fjarveru minni.“
Þetta er yður hér með tilkynnt, herra forseti.
Ingvar Gíslason,
forseti Nd."
Sturla Böðvarsson hefur setið á Alþingi áður á þessu kjörtímabili og býð ég hann velkominn til starfa á ný.
Kosning í fjárveitinganefnd skv. 15. gr. Þingskapa, sbr. lög nr. 95/1985.
Fram komu tveir listar með jafnmörgum nöfnum samtals og menn skyldi kjósa. Samkvæmt því lýsti forseti yfir að kjörnir væru án atkvæðagreiðslu:
Pálmi Jónsson (A),
Geir Gunnarsson (B),
Guðmundur Bjarnason (A),
Árni Johnsen (A),
Karvel Pálmason (B),
Egill Jónsson (A),
Kolbrún Jónsdóttir (B),
Friðjón Þórðarson (A),
Þórarinn Sigurjónsson (A),
Kristín Halldórsdóttir (B).