12.03.1986
Sameinað þing: 59. fundur, 108. löggjafarþing.
Sjá dálk 3077 í B-deild Alþingistíðinda. (2651)
Varamenn taka þingsæti - rannsókn kjörbréfs
Forseti (Þorv. Garðar Kristjánsson):
Svohljóðandi bréf hefur borist frá forseta Nd.:
„Alþingi, 12. mars 1986.
Formaður þingflokks Sjálfsttl. hefur ritað mér á þessa leið:
„Þar sem Þorsteinn Pálsson, 1. þm. Suðurl., er á förum til útlanda í opinberum erindum og getur því ekki sótt þingfundi á næstunni leyfi ég mér að hans ósk með skírskotun til 130. gr. laga um kosningar til Alþingis að óska þess að 1. varamaður Sjálfstfl. í Suðurlandskjördæmi, Siggeir Björnsson bóndi, taki sæti á Alþingi í fjarveru hans.“
Þetta er yður hér með tilkynnt, herra forseti.
Ingvar Gíslason,
forseti Nd."
Siggeir Björnsson hefur áður tekið sæti á Alþingi á þessu kjörtímabili og býð ég hann á ný velkominn til starfa.
Þá liggur hér fyrir annað bréf frá forseta Ed. „Alþingi, 12. mars 1986. Skúli Alexandersson, 4. þm. Vesturl., hefur ritað mér á þessa leið:
„Þar sem ég vegna sérstakra anna get ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að vegna forfalla 1. varamanns taki 2. varamaður Alþb. í Vesturlandskjördæmi, Jóhanna Leópoldsdóttir útibússtjóri, sæti á Alþingi í fjarveru minni.“
Þetta er yður hér með tilkynnt, herra forseti, með ósk um að fram fari í Sþ. rannsókn á kjörbréfi varamanns.
Salome Þorkelsdóttir,
forseti Ed."
Jóhanna Leópoldsdóttir hefur ekki tekið sæti á Alþingi áður og hér fylgir kjörbréf hennar. Vil ég fara þess á leit að hv. kjörbréfanefnd taki kjörbréfið til athugunar. Á meðan verður fundinum frestað í fimm mínútur. - [Fundarhlé.]