27.02.1909
Neðri deild: -1. fundur, 21. löggjafarþing.
Sjá dálk 1002 í B-deild Alþingistíðinda. (1491)
16. mál, aðflutningsbann
Ráðherrann (H. H.):
Hinn h. þm. Barð. (B. J.) mundi varla tala svona, ef honum væri kunnugt um alla þá erfiðleika á framkvæmd laga, sem almenningsálitið eins og verða mundi með þessi lög ekki telur neina óhæfu að brjóta, tökum t. d. nýju lögin um æðarfugladráp. En hvað sem þessu líður verður ekki á móti mælt, að það er harla óviðfeldið að heita þessum uppljóstrarseggjum stórfé að launum og freista þannig breyzkra manna til að »spekúlera« í falli og ávirðing meðbræðra sinna.