02.11.1960
Sameinað þing: 9. fundur, 81. löggjafarþing.
Sjá dálk 1739 í B-deild Alþingistíðinda. (1655)
Varamenn taka þingsæti - rannsókn kjörbréfa
forseti (SA):
Mér hefur borizt bréf frá hæstv. forseta Ed., svo hljóðandi:
„Formaður þingflokks Alþfl. hefur í dag ritað mér eftirfarandi:
„Þar sem Friðjón Skarphéðinsson, 5. landsk. þm., getur eigi setið á þingi næstu vikur sökum anna heima fyrir, leyfi ég mér hér með samkv. beiðni hans að óska þess, að varamaður, Unnar Stefánsson viðskiptafræðingur, taki sæti á Alþ. í fjarveru hans.“
Þetta er yður, herra forseti, hér með tilkynnt.
Sigurður Ó. Ólafsson,
forseti efri deildar.“
Ég býð þingmanninn velkominn til starfa á Alþingi.