28.04.1977
Efri deild: 73. fundur, 98. löggjafarþing.
Sjá dálk 3879 í B-deild Alþingistíðinda. (2864)
21. mál, leiklistarlög
Frsm. (Axel Jónsson):
Herra forseti. Eins og fram kemur á þskj. 572, mælir menntmn. með samþykkt þessa frv. sem hér er á dagskrá. Fjarverandi afgreiðslu málsins voru þeir Ingi Tryggvason og Þorv. Garðar Kristjánsson.
Efni þessa frv. er í fyrsta lagi það, að hægt er að skipta leikfélögum niður í A- og B-flokka, eins og nú er í lögum, og í öðru lagi, og það er kannske meginnýmælið, er stofnun leiklistarráðs sem þarna kemur fram. Leiklistarráð er ólaunað, af þessu ber ríkissjóður engan kostnað, en þess er vænst að sú skipan megi verða til þess að styrkja og efla sér í lagi áhugaleikfélögin og starfsemi þeirra í landinu.
Ég endurtek síðan að menntmn. mælir með því að frv. verði samþ. óbreytt.