veiðigjald og eignir Landsbankans.
Virðulegi forseti. Fullyrðingar hv. þingmanns standast ekki. Það verður að skoða fyrir utan þennan sal hvor er kæruleysislegri í málflutningi sínum varðandi þetta mál. Auðvitað er veiðileyfagjaldið mikið hagsmunamál þjóðarinnar. Rekstur Landsbankans er það líka, en þegar við horfum á samspil reksturs sjávarútvegsfyrirtækja og veiðileyfagjaldsins er bjargföst skoðun mín að það að auðlindarentan gangi með þessum hætti til þjóðarinnar en ekki 100% til þeirra sem eru með sérleyfi á eign þjóðarinnar komi rekstri útgerðarfyrirtækjanna í rétt horf. (Gripið fram í: Þetta eru frasar.) Veiðileyfagjaldið er þannig sveiflujafnandi, ekki aðeins fyrir rekstur ríkissjóðs heldur verður rekstur útgerðarfélaganna eðlilegri. (Gripið fram í: Heyr, heyr.)