151. löggjafarþing — 5. fundur, 7. okt. 2020.
fjármálaáætlun 2021--2025.
2. mál
Virðulegur forseti. Ég vil í raun bara leggja eina spurningu fyrir hæstv. starfandi heilbrigðisráðherra, þ.e. hvort heimildir séu fyrir því í fjárlögum að heilbrigðisráðherra geti gengið til samninga við sjálfstætt starfandi sálfræðinga, komið þeim inn í sjúkratryggingakerfi, rétt eins og þingið samþykkti að frumkvæði Viðreisnar í vor. Mun hæstv. heilbrigðisráðherra ganga til samninga við sjálfstætt starfandi sálfræðinga á þessu þingi?