markaðar tekjur.

Frú forseti. Ég þakka hv. þingmanni fyrir svarið. Það er afar mikilvægt að þetta komi fram. Ég vil líka að það komi hér fram að sá sem hér stendur er í grundvallaratriðum sammála þessari stefnumörkun, þ.e. að markaðar tekjur eigi kannski ekki að vera hryggjarstykkið í stefnumörkun ríkisins í fjármálum.

Varðandi Framkvæmdasjóð aldraðra sérstaklega þá er mikilvægt að hv. þingmenn átti sig á því að þar er ekki eingöngu um að ræða verkefni sem snúa að byggingu nýrra hjúkrunarheimila eða hjúkrunarrýma. Framkvæmdarsjóðurinn leggur einnig fé til ýmiss konar endurbótaverkefna, til uppbyggingar á dagdvölum og reyndar í seinni tíð, þó að það sé kannski tímabundið verkefni, líka til rekstrar nokkurra rýma.

Ég held að því sé afar mikilvægt að það liggi fyrir, a.m.k. eitthvað fram í tímann, að sjóðurinn geti örugglega staðið við þær skuldbindingar geti örugglega staðið við þær skuldbindingar sínar. Þegar eru nokkur verkefni í gangi sem sjóðurinn hefur þegar hafið fjármögnun á og einhverjir samningar sem liggja til grundvallar þeim. Því er mikilvægt að það sé, eins og kemur fram í ágætri breytingartillögu nefndarinnar, bundið í lög að þessar fjárveitingar muni halda áfram að koma til sjóðsins.