131. löggjafarþing — 31. fundur, 16. nóv. 2004.
Innrásin í Írak og forsendur fyrir stuðningi íslenskra stjórnvalda.
3. mál
[14:59]
Sólveig Pétursdóttir (S) (andsvar):
Hæstv. forseti. Ég ítreka það sem ég hef áður sagt — ég tel að það sé verst fyrir íröksku þjóðina að menn sýni ístöðuleysi. Alþjóðasamfélagið verður að standa með íröksku þjóðinni í því að koma á lýðræðislegum stjórnarháttum. Það er bjargföst skoðun mín og ég ítreka hana hér.