sala áfengis og tóbaks.
Herra forseti. Já, þó að ÁTVR og vínbúðirnar séu góðar getur það varla verið grundvöllur að löggjöf um ríkisrekstur. Ég held að það sé hæpin röksemd fyrir löggjafann þó að í þessu tilviki sé dæmið þannig að ríkið standi ágætlega að rekstri, sem er reyndar nokkuð fyrir frjálshyggjumenn að hugsa um. En það er sem sagt raunin í þessu tilviki.
Hins vegar er oft talað um þetta mál eins og það snúist um að áfengi fari í búðir. Ég vil bara benda á það að áfengi er í búðum og það er í sérverslunum. Þær eru mjög víða og ég efast um að þetta hófsama frumvarp breyti það miklu eða valdi það mikilli byltingu í aðgengi Íslendinga að áfengi að eitthvað sé sérstaklega varhugavert við að samþykkja það.