tekjuskattur.

Hæstv. forseti. Frumvarp þetta fjallar m.a. um breytingar á reglum um skattskyldu söluhagnaðar, það fékk ágæta umfjöllun í efnahags- og skattanefnd þingsins nema hvað á frumvarpinu voru gerðar breytingar í meðförum nefndar, breytingar sem ég tel að hafi ekki fengið nægilega gaumgæfilega skoðun í nefndinni og hef óskað eftir því að frumvarpið verði tekið fyrir að nýju í efnahags- og skattanefnd. Við getum því ekki stutt þetta frumvarp, við höfum á því allan fyrirvara og að uppistöðu til munum við sitja hjá um greinar þess við þessa afgreiðslu.