opinberir háskólar.
Herra forseti. Ég vil gera athugasemd við skipulag og dagskrá þessa fundar. Hér ræðum við 4. dagskrármálið. Tveimur málum hæstv. menntamálaráðherra var ýtt út af dagskrá og mér býður í grun að það eigi að slíta þessa umræðu um mál opinberra háskóla í tvennt þar til ráðherra hefur lokið öðrum störfum utan húss.
Ég vil spyrja hæstv. forseta hvort nú eigi að taka fyrir, að loknu hádegisverðarhléi, 6. mál á dagskrá, Póst- og fjarskiptastofnun.
Það var gerð athugasemd við það í morgun að vitað væri að aðalfundur Ríkisútvarpsins ohf. yrði í dag og að búist væri við því að hæstv. menntamálaráðherra þyrfti að sitja hann. Það var kvartað undan því að þingmenn hefðu ekki tök á því eins og hæstv. ráðherra. Hæstv. ráðherra getur síðan farið úr umræðunni og skilið hana eftir í lausu lofti.
Ég geri alvarlega athugasemd við þessa skipan mála, hæstv. forseti.