endurreisn Tryggingarsjóðs innstæðueigenda og fjárfesta.
Hæstv. forseti. Ég þakka hv. þm. Vigdísi Hauksdóttur fyrir að beina þessari fyrirspurn til ráðherra, vegna þess að gríðarlega mikilvægt er að þetta verði upplýst og við séum öll vel áttuð á því hver staðan er varðandi tryggingarsjóðinn.
Það er gríðarlega mikilvægt að við nýtum tímann sem við höfum núna til að skerpa á reglum og laga þá umgjörð sem við búum fyrirtækjum og viðskiptalífinu. En það má aldrei gleymast í þessari umræðu, af því það örlaði aðeins á því í máli hæstv. ráðherra, það má aldrei gleyma því að við grundvölluðum alla okkar umgjörð á því regluverki sem við tókum upp í kjölfar EES-samningsins. Það má aldrei gleymast, það er rétt að halda því hér til haga, þetta er ekki eingöngu það að Íslendingar hafi misstigið sig á einhvern hátt, heldur var forsögnin sem við fengum frá hinni háu Evrópu kannski ekki alveg rétt.