139. löggjafarþing — 52. fundur, 17. des. 2010.
málefni fatlaðra.
256. mál
Frú forseti. 139. þings þjóðarinnar verður ekki endilega minnst sakir Icesave eða naumlega samþykktra fjárlaga. Ég vona að þingsins verði einkum og sér í lagi minnst fyrir þau merku tímamót sem hér hafa orðið með flutningi málaflokks fatlaðra heim í hérað. Þetta er einhver glæsilegasti áfangi í langri réttindabaráttusögu fatlaðs fólks og fólks sem býr við þroskahömlun.
Ég segi, frú forseti: Fatlað fólk er loksins komið heim.