Vegagerðin, framkvæmdastofnun samgöngumála.

Frú forseti. Nú er ég búinn að vera svo jákvæður í dag í garð hæstv. innanríkisráðherra að ég ætla að leyfa mér að vera svolítið neikvæður í garð þingsins. Mér finnst það ekki mjög til þess að efla margumtalaða virðingu þingsins að þegar hæstv. samgönguráðherra mælir hér fyrir hverju stórmálinu á fætur öðru í samgöngumálum skuli ekki nema einn þingmaður í samgöngunefnd vera viðstaddur slíkar umræður.