þingleg meðferð mála frá utanríkisráðherra.
Hæstv. forseti. Ég tek undir með þeim þingmönnum sem hér hafa óskað eftir skýrri afstöðu forseta þingsins um það hvernig dagskrá eigi að vera háttað. Hér er á dagskrá skýrsla utanríkisráðherra um aðildarviðræður við Evrópusambandið og við töldum, af því að við tókum mark á orðum hæstv. utanríkisráðherra sem má kannski kallast merkilegt í ljósi sögunnar, að þetta yrði einhvers konar grundvöllur undir áframhaldandi umfjöllun á málinu.
Nú hefur komið í ljós að svo er ekki. Ég er á mælendaskrá og á eftir að tjá mig um þessa skýrslu. Mér er það ómögulegt og það er ekki hægt að setja okkur þingmenn í þá stöðu að vera að ræða mál sem við vitum ekki hvernig á að meðhöndla á vegum þingsins og líka gagnvart þeirri endemisöfgatillögu (Forseti hringir.) sem var sett á dagskrá í trássi við minni hlutann í þinginu.