umsókn Íslands um aðild að Evrópusambandinu dregin til baka.

Virðulegi forseti. Ég held að það sé alger lykilspurning vegna þess að við erum að upplifa það sem verulega einstakt að við séum hér í mikilli ákefð að ræða það að slíta viðræðum við Evrópusambandið. Það er einsdæmi og ef það er einsdæmi þá verður maður að hugsa: Af hverju? Af hverju er það? Af hverju er þetta drifið svona áfram í miklum asa? Ég sé þrönga peningalega hagsmuni fyrir því.

Ef vel er á spilum haldið og við gengjum í Evrópusambandið með góðum samningi mundi það auka fjölbreytni í íslensku atvinnulífi, ég held það. Það var rakið ágætlega í skýrslu Seðlabankans fyrir ári síðan hvernig það getur gerst. Það hentar öðrum atvinnugreinum betur. Núverandi ástand hentar sumum betur. Við verðum að kunna í þessu að ræða hvar breiðu hagsmunirnir liggja gegn hinum þröngu. Mér finnst málsvarar hinna þröngu hagsmuna einhvern veginn ekki þola dagsljósið í þessari umræðu. Þeir koma ekki fram.