fjárlög 2016.
Virðulegi forseti. Við höfum mörg hver undrast á orðum hæstv. forsætisráðherra, en ég vil núna beina orðum mínum til forseta og spyrja hverju það megi sæta að forseti hafi gefið frá sér dagskrárvaldið í þinginu. Getur forseti svarað því hvort hann er að vinna í því að fá fólk til að tala saman? Er hann með einhverja áætlun uppi eða er hann bara sáttur við þá störukeppni sem methafinn mikli, hæstv. forsætisráðherra, hefur sett í gang hérna? Og hefur hæstv. forsætisráðherra tekið yfir stjórn þingsins?
Miðað við fullkomið stjórnleysi á hæstv. ríkisstjórn þá vona ég að herra forseti hlífi þingheimi við því að setja hæstv. forsætisráðherra í brúna. Ég skora á forseta Alþingis að taka stjórn á dagskrá Alþingis.